ईशदूतत्वको प्राप्ति

१) अल्लाहका रसूल (स.) ३५ वर्ष हुँदा क़ुरैशले कअबा बनाएको उहाँले देख्नुभयो । अल्लाहका रसूल (स.) ले हजरे अस्वदलाई त्यसको ठाऊँमा राख्नुहुनेछ भन्ने विषयमा कुरैश सहमत थिए ।

२) अल्लाहले उहाँ (स.) लाई अज्ञानताको अपवित्रताबाट बचाए । तसर्थ उहाँले कहिले पनि मूर्तिलाई ढोग्नुभएन, रक्सी पिउनुभएन, अश्लील क्रियाकलापमा संलग्न हुनुभएन ।

३) अल्लाहका रसूल (स.) सच्चा, विश्वसनीय, सम्बन्ध जोड़ने र सम्पूर्ण सृष्टिप्रति उदार मन राख्ने व्यक्तिको  रूपमा प्रसिद्ध थिए ।

४) जब अल्लाहका रसूल (स.) को उमेर ४० पुग्यो उहाँमाथि ईशदूतत्वका निशानीहरू स्पष्ट रूपले जाहेर हुनथाले । जस्तै: निद्रामा साँचो सपना देख्नु, एकान्तमा उपासना गर्नु, पत्थरहरू र रूखहरूले उहाँलाई सलाम गर्नु, फरिश्ताको नूर देख्नु ।

५) जब अल्लाहका रसूल (स.) को उमेर ४० पुग्यो उहाँ गारे हेरामा हुनुहुन्थ्यो र उहाँमाथि प्रकाश्ना (वह्य) अवतरित भयो सूरह अलकको रूपमा । कुरआनबाट यो पहिलो सूरह अवतरित भएको थियो । विद्वानहरू यसको समर्थन गर्छन् ।

६) सूरह अलकको अवतरण पश्चात केहि दिनका लागि अवतरण रोकियो । त्यस पश्चात सूरह मुद्दस्सिर अवतरित भयो । अवतरण रोकिएपछि यो पहिलो सूरह अवतरित भएको थियो ।